Le marché mensuel de “Sablettes Créatifs” laisse le temps aux créateurs de prendre confiance. Cette couveuse associative d’artisans et d’artistes a déjà permis à quarante professionnels de se lancer. Le marché reprend tous les premiers dimanches de chaque mois.
La represo dóu merca dei Sableto siguè bouroula per la plueio dimenche sèt d’óutobre. « quinge espausaire venguèron l’après-dinnado, en liue dei cincanto espera. L’empacho es qu’avèn pas de liue per se replega » que nous vèn Anne-Sophie Kaczmarek, la co-beilèsso de « Sablettes Créatifs ». L’assouciacioun creado per Karine Introini fa tres ans, vòu « promóure lou gaubi, l’art e mai que tout lou cent per cent fa man au païs ».
Artesan, artisto, afouga de la fabricacioun d’oustau son benvengu an aqueu merca ounte « uno unico causo es enebido, es de re-vendre de causo facho per d’áutrei… » Produccioun « made in China » s’asteni.
Lou merca dei Sableto a dous avantage per lei beilèsso de Sablettes Créatifs : d’uno part pòu metre lou pèd a l’estriéu eis artisto e artesan que semblon pas encaro segur de se lança proufessiounalamen, d’autre part permete de s’aviva an aqueu quartier dóu bord de mar, que viéu tant d’estiéu e tant gaire d’ivèr.
Aqui li creatiéu podoun s’assaja coumo proufessiounau, a vèire se troboun uno pratico. « Mai que d’un, coumo ieu, a sachu em’acó que serié jamai qu’un apassiouna, mai mi saqueti per pichoun, li farai que per meis ami. D’áutrei saupran que podoun faire de soun aficioun, un mestié. »
E de cita Fiona Coret qu’a dubèrt sa boutigo de beloio a Ièro, o l’illustratour Jérôme Todeschi, que travaio aro per mai que d’un terraiaro de Valáuri. Quaranta sòci an passa lou pont entre amatour e proufessiounau despièi tres an, un cop acaba de prene fisanço dins aquélei merca messadié.
I poudres trouba i Sableto cado premié dimencho dóu mes entre óutobre e decembre, puèi entre mars e jun. Leis espausant li pagaran dès €uro quand son sòci e 14€ quand son artesan, e i troubaran taulo de dous mètre sus dous.
Per countate : http://plurielle83.wix.com/plurielle83 e plurielle83@gmail.com
Ecrit en provençal graphie mistralienne, avec les suggestions du professeur Pèire Brechet
Les Mots d’Aqui
Bouroula = perturber
Gaubi = savoir-faire
Afouga = passionner
Enebi = interdire
Pratico = client
Beloio = bijou
Terraio = poterie
Sòci = adhérent, membre
